Klopp, i detyruar të kthejë sytë nga Shaqiri

Keystone (AP Photo/Rui Vieira)

Në pritje të komfirmimit zyrtar për mungesën e Firminos, por edhe të Mohamed Salah në gjysmëfinalen e kthimit të Championsint me Barcelonën, tashmë trajneri i Liverpoolit, Jurgen Klopp, ka nisur të mendojë për lojtarët që do t’i zëvendësojnë.

Tekniku gjerman është i detyruar të improvizojë një formacion sulmues, për të tentuar një përmbysje të madhe pas humbjes 3-0 në “Camp Nou”.

Parimisht, Daniel Sturridge duhet të bëjë numrin 9, ndërsa për rolin e egjiptianit Salah do të vendoset mes Origit dhe Shaqirit.

Sulmues belg, me origjinë keniane, duket më i avantazhuar se futbollisti shqiptar. Ai shënoi golin e fitores ndaj Newcastle, që mban ende në lojë “The Reds” për marrjen e titullit në Premier League.

Liverpoolit i duhet të paktën 3 gola (dhe të fitojë me 11-metërsha) për të eliminuar Barcelonën, e në këtë kontekst nuk ka shumë zgjedhje taktike, veçse të sulmojë me gjithë artilerinë që ka në dispozicion. Edhe nëse nuk do të jetë titullar, duket i pashmangshëm aktivizimi i Xherdan Shaqirit, të paktën gjatë lojës, duke parë mungesat e rëndësishme në fazën sulmuese.