Kokëdhima sfidon Erion Veliajn për të parin e Tiranës

Kryetari i partisë “Zgjidhja”, Koço Kokëdhima, ka shpallur zyrtarisht kandidaturën për kryetar të Bashkisë së Tiranës, duke sfiduar kështu Erion Veliajn e PS-së.

Kokëdhima shprehet se sfidon Veliajn si kryetar bashkie, pasi, sipas tij, është modeli i Rilindjes. “Kam vendosur që t’i kërkoj mbështetje Kongresit të partisë “ZGJIDHJA” që t’i shpall garë Erion Veliajt për drejtimin e Bashkisë së Tiranës.

Është shumë e rëndësishme për ta bërë bashkinë të hapur për qytetarët, pushtet të qytetarëve, pushtet njerëzor dhe efektiv, ka thënë ai.

Ai ka akuzuar Erion Veliajn, duke e quajtur përfaqësues të sektit të Rilindjes. “Veliaj ka të njëjtën filozofi të njëjtë si Rilindja, njësoj si Rama, person i kulturës së korrupsionit, merret thjesht me korruptimin”, deklaroi Kokëdhima.