Kombëtarja e Shqipërisë, me shumë surpriza

Trajneri i Shqipërisë, Christian Panucci, ka publikuar mëngjesin e sotëm listën me emrat e futbollistëve që do të grumbullojë për dy ndeshjet eliminatore të Evropianit 2020, që nisin fundjavën e ardhshme. 

Kombëtarja shqiptare do të tubohet ditën e diel, ndërsa ndeshja e parë do të jetë më 22 mars në “Loro Boriçi” përballë Turqisë dhe tjetra më 25 mars ndaj Andorrës në udhëtim. 

Panucci ka zgjedhur të marrë 24 futbollistë, teksa nuk mungojnë as surprizat në listë, si grumbullimi i Kristi Qoses, rikthimi i Alijit dhe Ajetit, por edhe lënia jashtë e Lenjanit dhe Llullakut.