Konferencë për gjuhën shqipe në Zvicër

Konferenca do të mbahet më 28 qershor në Universitetin e Lozanës duke filluar nga ora 19:30

Të gjithë shqipfolësit të rinj në Zvicër janë dygjuhësorë. Secili në një nivel të ndryshëm, ata e flasin shqipen, gjuhë e prejardhjes, dhe frëngjishten, gjuhë e mjedisit.

Gjatë konferencës do të bisedohet mbi disa tema rreth rëndësisë së gjuhës shqipe dhe çështje të ndryshme të dygjuhësisë :

Së pari, çfarë do të thotë me të vërtetë fjala dygjuhësi ?

Përse gjuha e nënës është shumë e rëndësishme për disa dhe mund të jetë një shqetësim për disa tjerë ?

Si, shqipfolësit e gjeneratës së dytë dhe të tretë, i përdorin gjuhën shqipe dhe frënge në përditshmërinë e tyre ?

Cila është për ta rëndësia dhe ardhmëria e kësaj gjuhe të vjetër që rrjedh së paku nga ilirishtja e lashtë ?
Nëse keni edhe ju pyetje rreth kësaj çështjeje ose dëshironi të mësoni më tepër, mos ngurroni dhe ejani në këtë konferencë, më 28 qershor, në ora 19h30.

Ju mirëpresim.

Konferenca organizohet nga Kuvendi i Shqiptarëve në Zvicër, NationBicephale.com dhe shoqata e studentëve shqiptarë të Universitetit të Lozanës dhe do të mbahet në gjuhën frënge dhe shqipe.

Folësit e konferencës :

Mehmet Elezi : Ambasador i Republikës së Shqipërisë në Zvicër
Ramize Rexhaj : Arsimtare akademike e gjuhëve në Kantonin Vaud
Jean-Claude Métraux : Psikiatër i fëmijëve, lektor dhe Privat docent në Universitetin e Lozanës dhe bashkëthemelues i shoqatës „Appartenances“.