Konfirmohet largimi i Xhakës nga Arsenali

27-vjeçarit iu hoq shiriti i kapitenit tek Arsenali muajin e shkuar

Agjenti Jose Noguera, që është agjent edhe i mesfushorit shqiptar të Arsenalit, Granit Xhaka, ka thënë se futbollisti ka arritur marrëveshje për të kaluar te Hertha Berlini në Gjermani.

27-vjeçarit iu hoq shiriti i kapitenit tek Arsenali muajin e shkuar, ndërsa tani duket se do të largohet përfundimisht nga klubit në afatin kalimtar të janarit.

Edhe pse trajneri i ri i Arsenalit, Mikel Arteta, ka thënë se është fans i madh i XHakës, agjenti e pranon se kanë arritur marrëveshje me Hertha Berlin.

“Dua ta them sinqerisht, kemi marrëveshje me Herthan dhe ai dëshiron të kalojë në Berlin”.

“U kemi thënë shefit të Arsenalit, Raul Sanllehit dhe drejtorit sportiv Edu Gaspar, si dhe trajnerit të ri Mikel Arteta”.

“Arsenali është informuar për të gjithë hapat, lojtari dhe Herta janë të qartë. Është vetëm çështje e vlerës së transferimit, në marrëveshjen mes klubeve”, ka thënë agjenti Jose Noguera për Blick.

Jose Noguera ka shtuar se oferta e Hertha Berlin për shërbimet e Granit Xhakës është rreth 25 milionë euro.

---