Kosova rrit kapacitetet shëndetësore për t’u përballur me pandeminë

Keystone (AP Photo/Visar Kryeziu)

Qeveria e Kosovës ka njoftuar se ka rritur kapacitetet shëndetësore për t’u përballur me pandeminë.

Në një komunikatë për media ekzekutivi kosovar njofton se Qendrën Klinike Universitare të Kosovës dhe në spitale rajonale është ngritur në nivelin më të lartë mobilizimi i stafit shëndetësor, janë rritur kapacitetet me shtretër, janë rritur kapacitetet për furnizim me oksigjen si dhe janë ndërmarrë veprime të tjera.

“Të gjithë duhet të ndihmojmë mjekët dhe infermierët tanë të përballen me këtë gjendje duke respektuar masat e propozuara nga IKSHP (Instituti Kombëtar i Shëndetësisë Publike), të cilat i ka ndërmarrë Qeveria dhe Ministria e Shëndetësisë”, thuhet në njoftimin e qeverisë së Kosovës.