Kosovë: Fitonte nga prodhimi i kriptovalutave deri në 2400 euro në muaj, e paguante 170 euro rrymë

@pixabay

Një kosovar në kushte anonimiteti ka folur për Reuters, duke thënë se faturën e rrymës për prodhimin e kriptovalutave e paguan 170 euro, ndërsa vlera monetare që ai e arrin në bazë mujore është 2,400 euro.

“Një prodhues i kriptovalutave, i cili foli në kushte anonimiteti dhe që ka 40 GPU (Njësitë e Përpunimit Grafik), i tha Reuters se ai po paguante rreth 170 euro në muaj për energjinë elektrike dhe po merr rreth 2,400 euro në muaj fitim”, thuhet në artikullin e Reuters, ku raportohet për ndalimin e prodhimit të kriptovalutave.

Prodhimi i kriptovalutave, siç raporton mediumi amerikan, është fenomen në rritje në veri të Kosovës, kryesisht të populluar nga serbë që nuk e njohin shtetin e Kosovës dhe refuzojnë të paguajnë energjinë elektrike.