Kroacia e ndihmon Kosovën në fushën e integrimit evropian

Kroacia dhe Kosova vazhdojnë të bashkëpunojnë në fusha të rëndësishme, kurse tani Kroacia do ta ndihmojë, në atë që ka shumë nevojë, përvojën në fushën e integrimit evropian, shkruan albinfo.ch.

Kjo është thënë pas takimit që kishte ministri i Mjedisit dhe Planifikimit Hapësinorë, Ferat Shala me ministrin i Mjedisit dhe Energjisë së Kroacisë, Slaven Dobroviq.

Ministri kroat ka thënë se janë të gatshëm të bashkëpunojnë në të gjitha fushat. “Dëshirojmë të ofrojmë përvojën tonë sidomos në procesin e integrimeve evropiane për të dhe ju bërë më të lehtë integrimin në BE, duke ofruar shembuj dhe përvoja konkrete nga shteti kroat”, ka thënë Dobroviq, thuhet në njoftimin e Ministrisë së Mjedisit dhe Planifikimit Hapësinorë.

Ministria gjithashtu njofton se në kudër të fushave dhe mundësive konkrete te bashkëpunimit janë përmendur projektet nga fondet e BE-së, politikat mjedisore, zhvillimi i qëndrueshëm, menaxhimin e mbeturinave, menaxhimi i resurseve ujore, ndryshimet klimatike dhe parqet kombëtare.