Kroatëve u hapet rruga për tregun e punës në Zvicër

Këshilli Federal e ka ratifikuar sot protokollin plotësues të Marrëveshjes në fjalë me Kroacinë. Duke u hapur kështu rrugë shtetasve kroatë, në tregun zviceran të punë

Miratimi që iu bë sot Ligjit mbi zbatimin e iniciativës për migracionin, ka shërbyer si dritë e gjelbër për ratifikimin edhe të Marrëveshjes për Lëvizje të Lirë edhe me Kroacinë, njofton srf.ch

Këtë marrëveshje në fakt parlamenti e kishte votuar që në muajin qershor por kusht për t`iu bërë edhe ratifikimi ka qenë ekzistimi i një rregullimi të Marrëveshjes për Lirinë e Lëvizjes me BE-në. Rregullim që duhej të ishte në përputhje me legjislacionin zviceran, transmeton albinfo.ch. Ky kusht ndërkaq nuk quhej i plotësuar deri në miratimin e sotëm në parlament.

Sido që të jetë, Këshilli Federal (qeveria) e ka ratifikuar sot protokollin plotësues të Marrëveshjes në fjalë me Kroacinë. Duke u hapur kështu rrugë shtetasve kroatë, në tregun zviceran të punës, ashtu siç e kanë edhe shtetasit e vendeve tjera të BE-së. Por, ngjashëm siç është vepruar edhe me shtetet tjera, edhe me Kroacinë në dhjetë vitet e para do të ketë kufizime sa i përket tregut të punës në Zvicër.

Me ratifikimin e kësaj marrëveshjeje, Zvicra siguron pjesëmarrjen në fondacionin për shkencë dhe shkëmbim të studentëve, “Horizon 2020”, i cili mundëson fonde miliardëshe në të mirë të arsimit dhe shkencës. Deri në këtë nënshkrim, Zvicra ka pasur vetëm një marrëveshje të përkohshme me “Horizon 2020”.