Kryeministri i Maqedonisë në Tiranë, pati mesazhe edhe për opozitën

Rama propozon një model të zonës Schengen në Ballkan.

Kryeministri i Maqedonisë së Veriut, Zoran Zaev, ka qendëruar në një vizitë zyrtare në Shqipëri, ku është pritur nga homologu i tij, Edi Rama.

Zaev deklaroi se janë gati të thellojnë bashkëpunimin me Shqipërinë.

Ai e falënderoi Shqipërinë për mbështetjen që i ka dhënë Maqedonisë së Veriut për t’u integruar drejt NATO-s, ndërsa e cilësoi vitin 2019 të rëndësishëm sa i përket integrimit për të dyja vendet. Zaev nuk ngurroi t’i japë një mesazh edhe opozitës shqiptare.

“Përvoja na dëshmoi se dialogu mes pushtetit dhe opozitës siguron rrugën para për shtetin, kjo është rruga nga e cila duhet të ecin para të gjitha shtetet e Ballkanit”, tha Zaev.

Ndërsa Kryeministri Rama foli pas takimit për një zonë Schengen Shqipëri -Maqedoni e Veriut. Ky model është keqkuptuar tek-tuk, kur kemi folur për një model Schengen me Kosovën, shtoi ai.