Kryetari i Delemontit të Zvicrës takohet me kryeministrin e Kosovës

Gjatë këtij takimi në Prishtinë, kryeministri i Qeverisë së Kosovës, Isa Mustafa, thuhet të ketë njoftuar kryetarin e Delemontit, Pierre Kohler, për përparimin e bërë në Kosovë, si dhe me prioritetet e Programit të Qeverisë së Kosovës.

Kryeministri kosovar ka theksuar angazhimin e fuqishëm të Qeverisë së Kosovës në zhvillimin ekonomik të vendit, hapjen e vendeve të punës, rritjen e investimeve nga jashtë, uljen e varfërisë, forcimin e shtetit ligjor, proceset integruese evropiane si dhe reformat, të cilat do të ndërmerren në arsim e shëndetësi.

Kryeministri Mustafa shprehu mirënjohjen e Qeverisë dhe popullit të Kosovës për mbështetjen e madhe që Zvicra dhe të gjitha kantonet dhe qytetarët e saj kanë dhënë për Kosovën në të gjitha fazat.

Kryeministri po ashtu theksoi përkushtimin e Kosovës për bashkëpunim me Zvicrën në të gjitha nivelet.

Kryetari i Delemontit, Pierre Kohler, vlerësoi lart arritjet në Kosovë.

Kohler po ashtu shprehu gatishmërinë për të avancuar bashkëpunimin dhe për të përkrahur Qeverinë e Kosovës në zhvillimin ekonomik të vendit, thuhet në komunikatë të kabinetit të kryeministrit të Kosovës, Isa Mustafa.

Kryetari i Delemontit, Pierre Kohler, po qëndron në Kosovë me ftesë të kryeministrit të Republikës së Kosovës, Isa Mustafa, ndërsa agjendën e vizitës së tij e ka filluar në Kamenicë.