Kundërshtohet vendimi i BE-së për të ndaluar shitjen e automjeteve me motorë me djegie nga viti 2035

Shoqata e Industrisë së Automjeteve të Gjermanisë (VDA) kritikoi vendimin e Bashkimit Evropian për të ndaluar shitjen e automjeteve me motorë me djegie duke nisur nga viti 2035.

“Është neglizhencë të vendosësh objektiva për periudhën pas vitit 2030 pa qenë në gjendje të bësh rregullimet e duhura bazuar në zhvillimet aktuale”, tha presidentja e VDA-së, Hildegard Müller, në një deklaratë dje në mbrëmje.

Müller përmendi zgjerimin e infrastrukturës së karikimit të baterive, varësinë e afërt nga lëndët e para dhe gjenerimin e mjaftueshëm të energjive të rinovueshme, përcjell Albinfo.ch.

“BE-ja tani kaloi menjëherë në ofensivë, duke vendosur kushtet kornizë”, tha Müller.

Gjithashtu, presidentja e VDA-së u shpreh në favor të një flote ekzistuese të motorëve me djegie, ku mund të operohet në mënyrë neutrale ndaj klimës.

“Për këtë do të nevojiten edhe lëndë djegëse sintetike”, shtoi ajo./dpa