Kurti: Adem Jashari e shkroi historinë, ne e gëzojmë lirinë sot

Kuvendi i Kosovës mbajti seancë solemne për shënimin e 22-vjetorit të Epopesë së UÇK-së.

Në Kuvendin e Kosovës u mbajt seancë solemne me rastin e shënimit të 22-vjetorit të Epopesë së UÇK-së.

Për nder të kësaj seance, në Kuvend pjesëmarrës janë përfaqësues nga familja Jashari, si dhe personalitete nga institucione të ndryshme, përfshirë komandantin e FSK-së, Rrahman Ramën dhe drejtori i AKI-së, Kreshnik Gashin.

Kryeministri Albin Kurti, gjatë fjalës së tij tha se sot është datë e shënuar për historinë e vendin, ndërsa foli për veprën dhe sakrificën e familjes Jashari.

“Në tri ditë të qëndresës heroike, ranë 59 dëshmorë. Në mesin e tyre 17 gra dhe 9 fëmijë. I lindur në Ditën e Flamurit më 28 nëntor, e i rënë heroikisht më 7 mars në Ditën e Mësuesit, Adem jashari thuhej se ishte i destinuar të bënte histori”, tha Kurti.

“Me Jasharajt çuditen vetëm ata që nuk e dinë historinë e tyre. Lirinë që e gëzojmë sot e kemi nga dëshmorët dhe martirët. Faktor tjetër është NATO ndërsa më pas janë kontributet e secilit prej nesh”.

Për nder të kësaj seance kanë ardhur përfaqësues nga familja Jashari. Derisa edhe personalitete nga institucione të ndryshme, përfshirë komandantin e FSK-së, Rrahman Rama dhe drejtori i AKI-së, Kreshnik Gashi.

---