Kurti falënderon Emiratet e Bashkuara Arabe për ndërtimin e spitalit të fëmijëve

Sot, kryeministri Albin Kurti u ka dërguar letër falënderimi ministres së Shtetit dhe Drejtorit të Departamentit të Shëndetësisë të Emirateve të Bashkuara Arabe për ndërtimin e spitalit të fëmijëve, përcjell albinfo.ch.

Në letrën e falënderimit të Kurtit për ministren e Shtetit, Maitha bint Salem Al Shamsi, thuhet: “Spitali i fëmijëve ‘Sheikha Fatima’, që e inauguruam së bashku, do të mbetet dëshmi e përjetshme e solidaritetit dhe shpirtit human të popullit Tuaj për fëmijët e vendit tim”.

“Na ka gëzuar shumë gatishmëria dhe vullneti Juaj për të mbështetur edhe më tej spitalin e fëmijëve… Do të mirëprisnim investimet e Emirateve të Bashkuara Arabe edhe në fusha të tjera dhe jemi të gatshëm për të intensifikuar bashkëpunimin ekonomik e tregtar ndërmjet dy shteteve tona”, thuhet më tej.

Ndryshe, më 13 shtator është mbajtur ceremonia e inaugurimit të spitalit të fëmijëve “Sheikha Fatima” në Prishtinë, donacion ky i Emirateve të Bashkuara Arabe.