Kurti pret në zyrë sulmuesin e Kosovës, Albion Rrahmani

Daulina Osmani, FB

Kryeministri i Kosovës, Albin Kurti, e ka pritur të dielën në takim sulmuesin e Kosovës, Albion Rrahmani, për të cilin ka folur fjalë të mëdha.

“Sot u takuam me të dhe babin e tij, Driton Rrahmani, njëherësh ikonën e futbollit të Kosovës gjatë viteve të 90-ta, i cili me shumë pasion po vazhdon ta mbështesë të birin në karrierën e tij në futboll. Me talentin e trashëguar nga familja dhe me punën e tij të pandalshme, Albioni në Superligën rumune sivjet ka shënuar 14 gola në vetëm 16 ndeshje të zhvilluara, duke ecur me hapa të sigurt për t’u bërë golashënuesi më i mirë i kampionatit. Albionit i urova shumë suksese tutje, në veçanti në ndeshjet që do t’i zhvillojë me fanellën e Kosovës”, shkruan ndër të tjera Kurti të dielën.

Rrahmani është sulmuesin e Rapid Bukureshtit  dhe pjesë e grumbullit të Kosovës për ndeshjet miqësore të këtij muaji.

Më 22 mars, Kosova luan në Yerevan ndaj Armenisë, kurse pas tri ditësh kundër Hungarisë në Budapest.

Rrahmani për Kosovën ka luajtur dy ndeshje, ndërsa është duke shkëlqyer në kampionatin elitar të Rumanisë. Ka shënuar 13 gola në 15 ndeshje me fanellën e Rapidit.