Kuvendi i Kosovës e Shqipërisë me marrëveshje për luftën kundër krimit

Kosova dhe Shqipëria kanë nënshkruar një memorandum mirëkuptimi për çështjen e të drejtave të njeriut.

Komisioni parlamentar i Kosovës për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë kundër Korrupsionit ka nënshkruar  memorandum mirëkuptimi me Komisionin Parlamentar të Shqipërisë për Çështje Ligjore, Administratë Publike dhe të Drejtat e Njeriut.

Kryetarja e komisionit kosovar, Albulena Haxhiu, bëri të ditur se ky memorandum ka për qëllim ngritjen e bashkëpunimit mes komisioneve homologe parlamentare për çështjet e interesit të përbashkët, veçanërisht në shkëmbimin e përvojave më të mira në luftën kundër korrupsionit dhe reformës në sistemin e drejtësisë.

E Ulsi Manja nga Shgqipëria theksoi se janë vonuar me këtë lloj bashkëpunimi, por u shpreh se më mirë vonë se kurrë.

Në këtë takim palët janë pajtuar për formimin e grupeve të përbashkëta në nivel ekspertësh për ti identifikuar nevojat dhe për të hartuar strategji të përbashkëta të bashkëpunimit.