Ky aeroport kufizon numrin e pasagjerëve deri në fillim të 2023-ës

Aeroporti ndër më të ngarkuarit në Evropë

Në një njoftim zyrtar, aeroporti Schiphol i Amsterdamit, një nga më të ngarkuarit në Evropë, njoftoi të enjten planet për të vazhduar kufizimin e numrit të udhëtarëve që nisen nga aeroporti deri në fillim të vitit 2023, përcjell albinfo.ch.

“Aeroporti e mori vendimin në konsultim me linjat ajrore, “të cilat nuk janë të lumtura për këtë,” thuhet në një njoftim për shtyp të Schiphol.

Ndërkohë, reduktimet pritet të zgjasin deri në fund të marsit, megjithëse Schiphol tha se do të shqyrtojë situatën përsëri në fund të vitit për të parë “nëse mund të jetë e mundur të bëjnë më shumë nga fundi i janarit”.

“Schiphol e ka bërë këtë zgjedhje për t’u ofruar udhëtarëve një përvojë të besueshme udhëtimi dhe parashikueshmëri dhe stabilitet për linjat ajrore”, thuhet në njoftim.

“Në të njëjtën kohë, aeroporti është duke punuar shumë për të përmirësuar kapacitetin e saj sa i takon sigurisë”.

Aeroporti tha se po punon me kompanitë e sigurisë dhe sindikatat për të përmirësuar situatën, duke vënë në dukje sfidat e një tregu të ngushtë pune.

Aeroporti Schiphol është një nga aeroportet më të ngarkuar në botë për trafikun ndërkombëtar të pasagjerëve. Ishte aeroporti numër 3 në botë në vitin 2021 për pasagjerët ndërkombëtarë, pas aeroporteve në Dubai dhe Stamboll, sipas shifrave nga Këshilli Ndërkombëtar i Aeroporteve.

---