Ky kanton shkurton periudhën e karantinës nga e hëna

pixabay

Kantoni zviceran i Basel-Stadt ka shkurtuar periudhën e karantinës në shtatë ditë dhe ka thjeshtuar gjurmimin e kontaktit, tha Departamenti i shëndetësisë i qytetit në një buletin që përshkruan rregulloret e reja, transmeton albinfo.ch.

Rritja e shkallës së infeksionit të nxitur nga varianti shumë ngjitës Omicron nënkupton që shumë njerëz janë në karantinë pas kontaktit me dikë që rezulton pozitiv me Covid-19, kështu që Departamenti i shëndetësisë i qytetit ka përshtatur rregullat për të zvogëluar ndikimin në shoqëri, në përputhje me rekomandimet nga Ministria e Shëndetësisë së Zvicrës.

Sipas rregulloreve të reja të shpallura nga buletini, vetëm ata njerëz që jetojnë në të njëjtën familje me një person të infektuar ose që kanë “kontakt intim [të ngushtë fizik] me një person të infektuar do të duhet të raportohen në Departamentin kantonal të shëndetësisë.

Këta njerëz do të duhet të karantinohen dhe të bëjnë një PCR ose test të shpejtë të antigjenit gjatë periudhës së karantinës ose në fund të saj, më së voni.

Por, koha për të cilën ata duhet të karantinohen gjithashtu është shkurtuar: tani janë shtatë ditë nga 10 më parë.