Lajçak: Masat e reciprocitetit dëmtojnë rifillimin e dialogut mes Kosovës dhe Serbisë

Përfaqësuesi special i BE-së për dialogun midis Kosovës dhe Serbisë,  Mirosllav Lajçak, ka shprehur zhgënjimin për masat e reja të reciprocitetit ndaj Serbisë, të cilat qeveria në detyrë e Kosovës i miratoi gjatë mbeldhjes së fundit.

“I zhgënjyer në lidhje me masat e reja të reciprocitetit të paraqitura nga Qeveria në detyrë e Kosovës. Këso veprimesh të njëanshme dëmtojnë rifillimin e dialogut dhe duhet të hiqen menjëherë. Siç është thënë në vazhdimësi, ne presim që të dyja palët në dialog të zbatojnë dhe të respektojnë marrëveshjet e kaluara”, ka shkruar Lajçak në rrjetin social Twitter, përcjell Albinfo.ch.