Lajmi i fundit: Maqedonia e Veriut shkon në zgjedhje të parakohshme

Ilustrim

Më 12 prill, partitë politike në Maqedoninë e Veriut janë marrë vesh të mbahen zgjedhjet e parakohshme parlamentare në këtë vend.

Ky vendim u bë i ditur nga kryeministri Zoran Zaev, pas takimit disaorësh që u mbajt te presidenti i Maqedonisë së Veriut, Stevo Pendarovski.

Vendimi për zgjedhje të parakohshme vjen pasi Maqedonia e Veriut nuk arriti të marrë datën për nisjen e bisedimeve të anëtarësimit në Bashkimin Evropian.

“Propozimi ynë ishte që 22 ose 29 dhjetor të shkojmë në zgjedhje, sepse në atë periudhë mund ta realizojmë procesin zgjedhor… Kishte reagime nga opozita se nuk mund të ketë 100 qeveri teknike, andaj pastaj u shqyrtua marsi, prilli, e kështu me radhë dhe me konsensus u vendos që 12 prilli të jetë data kur do të mbahen zgjedhjet”, deklaroi kryeministri Zoran Zaev.