Landolt i BDP-së vë paralele në mes të SVP-së dhe nazizmit

Keystone

Dy javë para votimit të iniciativës së SVP-së për dëbimin e të huajve kriminelë, kryetari i partisë BDP Martin Landodlt ka publikuar në Twitter një kryq të Zvicrës të manipuluar si kryq nazist (të thyer).

Landolt në Twitterin e tij shkruan se në rast votimi të iniciativës së SVP-së Zvicra do të shndërrohet në një shoqëri të përbërë prej dy klasash, transmeon albinfo.ch. Madje ai vendos paralele në mes të kësaj dhe apartheidit e nacionalsocializmit gjerman.

«Natyrisht, SVP nuk është parti naziste. Por radikalizimi dhe stili i saj i kominikimit tregojnë ngjashmëri tmeruese me Gjermaninë e viteve tridhjeta dhe me Afrikën e Jugut gjatë Apartheidit», ka thënë Landolt për gazetën Blick.

Por, Landolt këtë syzhe e ka gjetur në facebook dhe pastaj e ka shpërndarë, pasi që ideja bazike në të përshtatet me qëndrimin e tij, ka thënë ai për NZZ.

Ndërkaq autor i kësaj figure të shpërfytyruar të kryqit zviceran është Parver Sheik Fareed, artist zvceranobritanik, përcjell albinfoch. Ai nuk dëshiron të krahasojë Zvicrën me Rajhun e Tretë por vetëm tërheq vërejtjen që të mos çmontohet shteti i të drejtës», ka thënë Fareed në një intervistë për magazinën «persönlich.com».

Landolt dhe partia e tij deri para pak vitesh kanë qenë pjesë e SVP-së, nga e cila janë ndarë per shkak të mospajtimeve ideologjike dhe të tjera.