Lëndohen 21 ushtarë të KFOR-it

Zëdhënësi i Kfor-it, Novicki ka thënë se dy nga 21 ushtarët janë të lënduar rëndë

Gjatë aksionit të mbrëmshëm të KFOR-it në veri të vendit për heqjen e barrikadës tek vendi i quajtur Kërshi i Dudës, raportohet se janë lënduar 21 ushtarë të KFOR-it. Lajmin për lëndimin e ushtarëve të KFOR-it e ka konfirmuar zëdhënësi i KFOR-it, Uve Novicki, raportojnë mediat serbe.

Novicki ka thënë se dy nga 21 ushtarët janë të lënduar rëndë.

Aksioni i mbrëmshëm sipas tij ka qenë　plotësisht me mandatin e KFOR-it për të garantuar sigurinë dhe lirinë e lëvizjes. Nga ana tjetër, nuk dihet saktë për numrin e serbëve të lënduar, por raportohet se disa serbë kanë kërkuar intervenim mjekësor për shkak të gazit lotsjellës, njofton indeksonline.net.