Limaj flet për të pagjeturit dhe marrëveshjen me Serbinë

Zëvendëskryeministri i Kosovës, Fatmir Limaj, ka thënë se gjatë takim me Komisionin Qeveritar për Persona të Pagjetur, Shoqatat e të Pagjeturve dhe familjarë të të pagjeturve, u ka thënë atyre se ata se nuk ka marrëveshje me Serbinë pa e qartësuar zgjidhjen e çështjes së të pagjeturve. 

“Çështja e të pagjeturve nuk përfundon vetëm me identifikimin e personave të pagjetur, por duhet hetim dhe ndëshkim ligjor për atë që ka ndodhur në kohën e luftës”, ka theksuar Limaj.

Ai ka thënë edhe se: “Kosova përfundimisht me shumë seriozitet i është qasur çështjes së të pagjeturve”.

“Serbia duhet t’i hapë të gjithë arkivat shtetërorë të ushtrisë e policisë e shërbimeve sekrete. Ne besojmë fort që shteti serbe e di mirë, i ka dosjet dhe informacionet e sakta për fatin e njerëzve tanë dhe ato duhet t’ia japë në dispozicion Kosovës dhe ata duhet të marrin përgjegjësi. 

Çështja e të pagjeturve nuk përfundon vetëm me identifikimin e personave të pagjetur, por duhet hetim dhe ndëshkim ligjor për atë që ka ndodhur në kohën e luftës”, ka njoftuar Limaj.