Linja të reja fluturimi nga aeroporti i Bazelit

(KEYSTONE/Georgios Kefalas)

Midis prillit dhe qershorit 2025, Easyjet do të shtojë një destinacion afrikano-verior dhe tre destinacione evropiane në rrjetin e tij të fluturimeve që nisen nga EuroAeroporti i Bazelit.

Këto janë shtesat e reja në orarin e verës 2025:

Reykjavik: Nga 1 prilli, linja ajrore me kosto të ulët do të fluturojë drejt kryeqytetit të Islandës dy herë në javë, të martën dhe të shtunën.

Djerba: Gjithashtu nga 1 Prilli, Easyjet do të fluturojë në këtë ishull në brigjet e Tunizisë të martën dhe të shtunën, transmeton albinfo.ch.

Bilbao: Qyteti verior i Spanjës do të jetë në radarin e Easyjet nga 4 prilli, me fluturime dy herë në javë – të hënën dhe të premten.

Skiathos: Easyjet do të fluturojë në këtë ishull të vogël grek në Detin Egje veriperëndimor nga data 24 qershor deri më 29 gusht, të martën dhe të premten, shkruan thelocal.

Chania: Qyteti në ishullin grek të Kretës do të jetë në orarin e fluturimeve nga data 25 qershor deri më 31 gusht, të mërkurën dhe të dielën.

EasyJet zbuloi fluturimet e saj të reja nga Bazeli vetëm një muaj pasi njoftoi zgjerimin e rrjetit të saj të rrugëve nga Aeroporti i Cyrihut, me pesë destinacione shtesë.

Përveç tetë fluturimeve aktuale nga aeroporti më i madh i Zvicrës, linja ajrore do të shtojë edhe Edinburgun, si dhe destinacionet e njohura verore të Faro, Málaga, Palma de Mallorca dhe Olbia.