Lionel Messi, i cili konsiderohej një nga kandidatët kryesorë për fitimin e Topit të Artë, nuk do të jetë i pranishëm në ceremoninë e ndarjes së këtij çmimi, që zhvillohet në Londër.
Pavarësisht paraqitjeve të shkëlqyera me kombëtaren e Argjentinës dhe performancave të tij me Inter Miamin, ylli argjentinas ka vendosur të mos udhëtojë drejt kryeqytetit britanik për të marrë pjesë në këtë event prestigjioz.
Vendimi i Messit vjen pas një periudhe të ngarkuar me udhëtime dhe angazhime sportive. Fillimisht, ai ishte në Oviedo, ku të premten u nderua me Çmimin Sportiv Princesha e Asturias. Më pas, u rikthye në fushë me Inter Miamin në përballjen ndaj New York Red Bulls, ku skuadra e tij pësoi humbje me rezultatin 2-0.
Gjithashtu, Messi mori pjesë në Miami në edicionin e dytë të Kupës Messi. Pas këtyre angazhimeve të njëpasnjëshme, futbollisti ka zgjedhur të pushojë, duke mos qenë pjesë e ceremonisë së madhe të Topit të Artë në Londër.
