Lista e Billboard për këngët e vitit: Bebe Rexha, në vendin e tretë

Platforma më e madhe muzikore, Billboard, ka publikuar listën e 10 këngëve më të dëgjuara gjatë vitit 2018.

Aty kryeson reperi Drake me projektin “God’s Plan”, i ndjekur nga artistë të tjerë me famë botërore. Ndër ta është edhe këngëtarja shqiptare, Bebe Rexha.

Bashkëpunimi i saj “Meant to be” me Florida Georgia Line renditet në vendin e tretë dhe ka arritur mbi 650 milionë klikime në YouTube, transmeton “ATSH”.

Këngëtarja Bebe Rexha shprehet se është ende e tronditur dhe nuk mund ta besojë suksesin e arritur gjatë këtij viti, përcjell albinfo.ch.