Liverpooli përgatitet ta shesë Shaqirin

Ylli shqiptar Xherdan Shaqiri është aktivizuar shumë pak në skuadrën e Liverpoolit gjatë vitit 2019.

Mediat angleze kanë raportuar se Liverpooli po e konsideron të shesë futbollistit shqiptar gjatë verës, përcjell albinfo.ch.

Trajneri Jurgen Klopp është duke shikuar alternativa tjetër për të zëvendësuar Shaqirin gjatë verës. Gjermani nuk është shumë i kënaqur me Shaqirin, dhe siç ka thënë ai nuk është përshtatur sa duhet me skemën e tij. Shaqiri u transferua nga Stoke City gjatë verës për 15 milionë euro dhe në 30 ndeshje në përgjithësi ka gjashtë gola dhe pesë asistime.

Gjithnjë sipas mediave angleze, zëvendësuesi i tij mund të jetë Samuel Chukwueze i Villarrealit që ka klauzolë largimi prej 52 milionë funteve, përcjell tutje albinfo.ch.

Sidoqoftë, Shaqiri është i përqendruar në finalen e Ligës së Kampionëve që zhvillohet më 1 qershor në Madrid.

“Kjo është gjëja më e rëndësishme për një grup të madh, të jenë të bashkuar. Të bashkuar ne mund të arrijmë gjëra të mëdha, e këtë e pamë edhe në ndeshje, veçanërisht kundër Barcelonës, ku kishim disa mungesa. Nëse jemi të bashkuar mund të arrijmë suksese”, është shprehur Shaqiri.