Kurti takohet sot me Brnabiq në samitin e Londrës

Qeveria e Kosovës do të shkojë me kërkesa specifike për ndihmë në fonde nga donatorët, ashtu si edhe qeveritë e rajonit.

Është bërë e ditur se Kryeministri i Kosovës, Albin Kurti, ka arritur në Londër, ku do të marrë pjesë në Samitin e Bankës Europiane për Rindërtim dhe Zhvillim, përcjell albinfo.ch.

Ky samit do të fillojë punimet sot, ndërsa në të do të marrin pjesë të gjithë liderët e shteteve të Ballkanit Perëndimor.

E pranishme në këtë samit është edhe kryeminstrja e Serbisë, Brnabiq, ky pritet të jetë takimi i parë i saj me Kurtin.

Qëllimi i këtij samiti është që të prezantohen sektorët me mundësi të mëdha investimi.

Banka Europiane për Rindërtim dhe Zhvillim, BERZH, ka për qëllim përdorimin e investimeve si një mjet për të ndërtuar ekonomitë në vendet që janë në zhvillim.

Qeveria e Kosovës do të shkojë me kërkesa specifike për ndihmë në fonde nga donatorët, ashtu si edhe qeveritë e rajonit.

Brnabiq nuk ka qenë e pranishme në Konferencën e Sigurisë në Munih, andaj ky pritet të jetë takimi i parë i saj me Kurtin.

Kurti ka bërë të ditur se është kundër një minishengeni ballkanik dhe ka premtuar që do të kërkojë llogari në dialogun me Serbinë për dëmet në luftën e Kosovës. Po ashtu, Kurti u incizua duke thënë brenda konferencës se ka ardhur koha që Serbia të çlirohet nga Kosova.

BERZH ka kohë që përmes donatorëve investon në rajonin e Ballkanit Perëndimor. Ky është një ndër rajonet me prioritet në agjendën e kësaj banke dhe deri më tani investimet kanë arritur shifrën e 12 miliardë dollarëve.

---