Londër, artistët kosovarë në përkrahje të refugjatëve

Në përkrahje të refugjatëve sirianë, në Cambridge të Britanisë së Madhe do të hapet  ekspozita “A Moving Identity”. Dy ditë, më 20 dhe 21 nëntor, dashamirët e artit do të kenë rastin të shohin punimet e artistëve nga shtete të ndryshme, si: Kosova, Siria, Palestina, Libani, SHBA, Serbia, etj.

Kosova do të prezentohet nga artistët Gazmend Ejupi dhe Bekim Ratkoceri që veprojnë në Britaninë e Madhe dhe Shuk Orani që jeton dhe vepron në Hamburg të Gjermanisë.

Punimet e artistëve që do të prezentohen në Cambidge Science Park janë të inspiruara nga përvoja e tyre apo e anëtarëve të familjeve të tyre të zhvendosur nga lufta, apo që ende vazhdojnë të jetojnë në luftë.