Loriku e Loriani bëjnë krenarë shqiptarët me suksesin e tyre në Ditën e Flamurit

Lorik e Lorian Musa kanë arritur rezultate shumë të mira në Kampionatin Nacional të Karatesë, Zvicër, që u mbajt sot në Sursee

Sot në Kampionatin Nacional të Zvicrës për karate, që u mbajt në Sursee (Lucern) dy vëllezërit Musa arritën të vendosen në piedestal. Lorik Musa fitoi vendin e tretë, kategoria Y16 ndërsa Lorian Musa, të pestin në kategorinë Y12, shkruan albinfo.ch.

Se bëhet fjalë për dy të rinj që premtojnë një të ardhme të ndritur në këtë art marcial shihet nga fakti se të dy janë kampionë të Kantonit të Valais për disa herë me radhë!

Loriku, i pyetur se çfarë ndjesie kishte pas arritjes së kësaj fitore në nivel nacional, dhe si arriti deri këtu,thotë: “Dikur gëzohesha ta mbajë në duar kupën e Kantonit Valais, por dëshira fillon e zgjerohet e sot jam i lumtur për arritjen time dhe të vëllait tim. Sporti di të dhurojë përherë ulje dhe ngritje por unë jam i lumtur se kam dhënë më të mirën të mundshme të çastit nga vetja.

Karate është pjesë e jetës sime që nga mosha 4 vjeçare dhe besoj se përshtatemi mirë me njëri tjetrin. Kam shumë ëndrra e projekte që besoj se do i realizoj ngadalë dhe sigurt!

Lorik e Lorian Musa për ditën e Flamurit bënë të gjithë shqiptarët krenarë me fitoren e tyre!

---