Macron paralajmëron riorganizim ushtarak  

Ai bëri thirrje për një rishikim të organizimit ushtarak të Francës, për ta bërë atë më të fortë përballë kërcënimeve të reja

Parada e mbajtur të enjten me rastin e Ditës së Bastijës, këtë herë synonte të tregonte fuqinë e Francës, angazhimin e saj në NATO dhe atë ndaj aleatëve evropianë, të prekur nga lufta që Rusia nisi në Ukrainë 20 javë më parë.

Për këtë arsye, në paradën tradicionale parakaluan edhe trupa nga Estonia, Letonia, Lituania, Polonia, Republika Çeke, Sllovakia, Rumania, Bullgaria dhe Hungaria, secila me flamurin kombëtar përkatës.

Presidenti francez Emmanuel Macron, që mori pjesë në eventin e rëndësishëm historik dhe politik, përshëndeti aftësinë e rezistencës ukrainase për t’i bërë ballë agresionit rus, transmeton euronews, përcjell Albinfo.ch.

Ai bëri thirrje për një rishikim të organizimit ushtarak të Francës, për ta bërë atë më të fortë përballë kërcënimeve të reja, si dhe foli për një rishikim të pranisë ushtarake franceze në Afrikë.

Parada u mbyll me fluturimin e avionëve ushtarakë që përshkuan qiellin e Parisit, duke lëshuar ngjyrat blu, të bardhë e të kuqe të flamurit francez.

 

---