Majlinda Kelmendi u shpall kampione e botës

Xhudistja kosovare, Majlinda Kelmendi u shpall kampione e Botës në Kampionatin Botëror që po mbahet në Chelyabinsk të Rusisë.

Kelmendi ka arritur të mbrojë titullin e fituar në vitin 2013 në Brazi dhe  flamuri i Kosovës dhe himni i shtetit më të ri në Evropë është dëgjuar në Rusi, e cila është një ndër kundërshtuesit më të mëdhenj të pavarësisë së Kosovës.

Xhudistja nga Peja e Kosovës ka mposhtur në finale Andrea Chitun nga Rumania ndërsa në xhiron e dytë kaloi pa luftë dhe kualifikua në rrethin e tretë të fazës së grupeve, pasi e mposhti venezuelasen Vanessa Cortesia.

Majlinda pa ndonjë problem kalojë pengesën kundër Vanessa Cortesia, ndërsa në rrethin e tretë i sprovoi forcat më garuesen nga Mongolia, Bundmaa Munkhbaatar, raportojnë mediat në Prishtinë.

Në luftën e dytë ajo s’kishte mëshirë ndaj mongolezes, Munkhbaatar dhe brenda një minuti arriti ta mposhtë atë.

Majlinda Kelmendi arriti të mposhtë edhe Yanet Bermoy Acostan fituar me Ipon, teksa në gjysmëfinale të Kampionatit Botëror ajo u takua me Natalia Kuziutinan, xhudisten ruse me shumë eksperiencë e cila luan para publikut vendas.