Makinat elektrike, shtrirje të gjerë në Zvicër

@pixabay

2021-shi ishte një vit, ku zviceranët shfrytëzuan dukshëm më shumë veturat elektrike se sa vitet e tjera, transmeton albinfo.ch.

Ndërkohë, në vitin 2022 vlerësohet se veturat elektrike do të gjejnë shtrirje të madhe në shtetin e Zvicrës.

Kjo rezulton nga një analizë e TCS, sipas së cilës automjetet me lëvizje alternative (elektrike, hibride ose hibride plug-in) përbënin 51% të regjistrimeve të reja në nëntor.

Veçanërisht, automjetet me prizë, të cilat funksionojnë pjesërisht ose tërësisht me energji elektrike dhe ngarkohen duke i futur ato në një prizë elektrike, përbënin 29 për qind të regjistrimeve të reja në nëntor, tha TCS. Dhe pjesa e atyre elektrike, nga ana e saj, po rritet më shpejt se sa pritej.

Analiza TCS tregon gjithashtu se deri dhe duke përfshirë vitin 2020, automjetet hibride ishin në kërkesën më të madhe. Tani po shohim rritjen e makinave vetëm elektrike, të cilat do të përbëjnë më shumë se gjysmën e tregut përpara vitit 2030.