Në një deklaratë për median ministria konfirmoi se Mali i Zi mbështeti një deklaratë në të cilën 60 shtete u bëhej thirrje të respektojnë dhe të lehtësojnë largimin e shtetasve të huaj dhe afganë që duan të largohen nga vendi.

Por shtoi se Mali i Zi “nuk ishte i detyruar të pranonte përkohësisht banorët e Afganistanit që ndihmuan forcat aleate, pasi asnjë detyrim i tillë nuk parashikohet nga kjo deklaratë”.

Një numër i vendeve perëndimore kanë premtuar të marrin një numër të konsiderueshëm afganësh që largohen nga Kabuli, për shembull Mbretëria e Bashkuar pret rreth 20,000 afganë.

Në rajonin e Ballkanit, Shqipëria, Maqedonia e Veriut dhe Kosova gjithashtu kanë rënë dakord për t’i strehuar një numër të papërcaktuar civilësh afganë.

Edhe ministri grek i migracionit, Notis Mitarakis ka bërë të ditur se Greqia nuk do të lejojë refugjatët nga Afganistani të kalojnë kufijtë e saj për në Bashkimin Evropian.