Mandl: Është momenti për pajtim mes Kosovës e Serbisë

Eurodeputeti austriak, Lukas Mandl, ka mirëpritur dakordimin në Bruksel për propozimin evropian.

Sipas tij, ky është një hap pozitiv, por që ka ende shumë rrugë për t’u bërë, përcjell albinfo.ch.

“Pas 15 vjetësh të pavarësisë së Kosovës, pas një viti të telasheve të Serbisë me lirinë dhe paqen që edhe u zbulua globalisht, ka ardhur koha për një marrëveshje që të hapet rruga drejt pajtimit, njohjes dhe një të ardhme në paqe dhe prosperitet. Ka ende shumë rrugë për të bërë”, ka thënë Mandl.