Maqedoni, zhbllokohet importi i miellit nga Kosova

Qeveria e Maqedonisë ka marrë vendimin për zhbllokimin e importit të miellit nga Kosova

Ministrja e Tregtisë dhe Industrisë, Mimoza Kusari- Lila, e ka konfirmuar për InfoGlobin, se Qeveria e Maqedonisë ka miratuar heqjen e masave të ndalesë së miellit në Maqedoni.

Ministrja Kusari-Lila, ka theksuar se informatën për çështjen në fjalë e ka marrë nga vet ministri i Ekonomisë së Republikës së Maqedonisë.

Ajo ka thënë se tash mund të shitet mielli nga Kosova në Maqedoni.

Pr këtë vendim kanë raportuar edhe mediat në Maqedoni, të cilat shkruajnë se Kosova do të mund të eksportojë miell përsëri për në Maqedoni.

Sipas këtyre mediave kërcënimet e ministres kosovare të Tregtisë, Mimoza Kusari-Lila dhe përpjekjet e ministrit të Maqedonisë për Ekonomi, Valon Saraçini, për heqjen e bllokadës për miellin e Kosovës, dhanë fryt dhe qeveria e Maqedonisë vendosi të zhbllokojë importin e miellit nga Kosova.