Maqedonia e Veriut në pritje të vaksinave anti-Covid

Albert Hyseni's

Ajo që për momentin dihet rreth procesit të vaksinimit antiCovid në Maqedoninë e Veriut është se pritet donacioni nga vendet fqinje dhe nga Bashkimi Evropian dhe arritja e dozave të porositura përmes mekanizmit ndërkombëtar Covax. Saktësisht nuk dihet sasia dhe kur do të arrijnë vaksinat.

“Republika e Maqedonisë së Veriut nuk i pret vetëm donacionet, por në kohë janë bërë të gjithë hapat, procedurat, ka alokuar mjete, ka filluar bisedime direkte. Shfrytëzohen të gjitha instrumentet, duke përfshirë edhe mekanizmin Covax i cili ka qenë i pari në dispozicion, tashmë janë siguruar 833 mijë vaksina për popullatë prej 400 mijë qytetarë. Në pajtueshmëri me planin për distribuim të vaksinave priten në muajt e parë të vitit 2021.”, raporton klan.al, përcjell Albinfo.ch.

Arsovski theksoi se vazhdojnë bisedimet direkte me kompanitë që prodhojnë vaksina, ndërsa nuk përjashtohet vendi të furnizohet edhe nga 100 milionë dozat me të cilat  BE-ja furnizon vendet e kontinentit dhe jashtë organizatës. Megjithatë gazetarët insistuan për përgjigje më precize, duke theksuar se Serbia fqinje tashmë e ka filluar imunizimin e qytetarëve.

“Për momentin nuk mund të themi përgjigje precize, megjithatë më konkretisht do ta dimë në fillim të vitit të ardhshëm.”

Menjëherë ka reaguar opozitarja VMRO-DPMNE, me kritikja për Ministrin e Shëndetësisë.

“Kur pothuajse të gjithë janë furnizuar me vaksina dhe ka startuar vaksinimi kundër virusit korona Filipçe nuk di çfarë të bëjë. Së pari tha se vaksinë do të ketë në fillim të vitit të ardhshëm, që më pas ta ndryshojë deklaratën se kjo do të ndodhë në Mars. Dje sqaroi si Maqedonia ka qenë treg i vogël kështu që vaksina do të ketë në gjysmën e dytë të vitit 2021.”

Në lidhje me shkallën e lartë të vdekshmërisë nga Covid-19 në vend, zëdhënësi i qeverisë theksoi se numri më i madh i pacientëve që e kanë humbur jetën nga virusi, deri më tani 2340, kryesisht kanë pasur sëmundje shtesë të zemrës, veshkave ose kanë pasur kancer në fazë të përparuar.