Maqedonia, me ajrin më të ndotur në Evropë

Partia opozitare maqedonase VMRO-DPMNE, përmes një komunikate për media vlerëson se qytetarët vazhdojnë të ngufaten për shkak të paaftësisë së pushtetit lokal dhe qendror për t’u ballafaquar me ajrin e ndotur.

Sipas kësaj partie, mijëra qytetarë çdo vit humbin jetën për shkak të ndotjes së ajrit, përcjell albinfo.ch.

“Raporti i ri i Organizatës Botërore të Shëndetësisë tregon se çdo vit 3 mijë qytetarë në Maqedoni humbin jetën, si rezultat i drejtpërdrejtë i ajrit të ndotur. Nuk ka asgjë nga premtimet parazgjedhore për ajër të pastër. Jeta në Maqedoni ka ardhur vetëm për pakicën që janë pjesë e kartelit të pushtetit në krye me Zaevin e falur”, thuhet në reagimin e VMRO-DPMNE-së.

Kjo parti apelon te qeveria që “ta dëgjojë zërin e qytetarëve, ekspertëve dhe mjekëve dhe menjëherë të pranojë masat urgjente që për ndotjeje”.