Maqedonia, shteti më i pasigurt në Ballkan

Organizata “Global Peace” ka bërë një studim për sigurinë në 162 vende të botës. Sipas këtij studimi, Maqedonia është vendi më i pasigurt bë Ballkan, duke u radhit në vendin 87

Organizata “Global Peace” e ka radhitur Maqedoninë në vendin e fundit të shteteve ballkanike sa i përket sigurisë. Sipas GP, Maqedonia radhitet në vendin e 87, pas Serbisë, Bosnjës dhe Hercegovinës, Kosovës e Shqipërisë dhe vendeve tjera të Ballkanit.

Në këtë studim është paraqitur gjendja e sigurisë në 162 vende të botës. 

Sipas “Global Peace” Serbia renditet para në Ballkanin Perëndimor në vendin 52, para Malit të Zi i cili zë vendin e 55-të, Bosnja e Hercegovina 61, Shqipëria gjendet në pozitën e  66 ndërsa Kosova një më lartë në vendin 65, ndërsa më së keqi në rajon renditet Maqedonia, në pozitën 87.

Ndërsa sipas këtij hulumtimi, në pesë vendet e para janë Islanda, Danimarka, Austria, Zelanda e Re dhe Zvicra. Ndërsa në vendet e rajonit më së miri paraqitet Sllovenia e cila renditet në vendin 14, e më pas Kroacia në vendin 26, raporton INA.

Shtetet me renditjen më të keqën janë Afganistani në pozitën 161 dhe e fundit është Siria në vendin 162.