Mark Zuckerberg: Na falni!

Themeluesi i Facebook-ut, Mark Zuckerberg, u ka kërkuar falje të gjithë përdoruesve të Facebook-ut, Instagramit dhe WhatsApp-it për ndërprerjen e këtyre rrjeteve sociale gjatë ditës së hënë.

“Facebook, Instagram, WhatsApp dhe Messenger po kthehen në internet tani. Na falni për ndërprerjen sot – e di se sa mbështeteni në shërbimet tona për të qëndruar të lidhur me njerëzit për të cilët kujdeseni”, ka shkruar ai.

Ende nuk dihet saktësisht se çfarë e shkaktoi këtë situatë.

Ajo që raportohet është humbja e madhe financiare që kompania e Zuckerberg ka pësuar.

Gjatë kësaj kohe e gjithë vëmendja ka qenë në Twitter dhe Telegram.