Marsh protestues për vrasjen e afrikanit nga policët

Des personnes marchent en memoire d'Herve, jeune pere Congolais ce samedi 19 novembre 2016 a Lausanne. Herve, jeune pere Congolais est mort le 6 novembre dernier a Bex suite a une intervention policiere. (KEYSTONE/Jean-Christophe Bott)

Më 6 nëntor në shkallët e ndërtesës ku banonte, policët e kanë plagosur për vdekje një 27 vjeçar kongolez pasi që ky, sipas shpjegimit të policëve i kishte sulmuar ata me thikë. Pas thirrjes: Stop, policia!, policët kishin shtënë shumë herë me armë zjarri në drejtim të tij, bën të ditur sda.ch

Kjo vrasje (në Bex, Vaud) është bërë shkak që disa qindra njerëz, shumica afrikanë, të protestonin pasditen e të shtunës në qendër të Lozanës.

Ata kanë bërë një marsh protestues kundër ndërhyrjes së përmendur policore dhe disa ndërhyrjeve tjera që kohëve të fundit po ashtu janë bërë ndaj të huajve me ngjyrë.

Marshi kryesohej nga familja e të ndjerit 27 vjeçar, kongolezit Herve, i cili ka lënë pas një vajzë të vogël.

“Edhe jeta e të zinjve duhet të respektohet” dhe “Edhe ne jemi Zvicër”, kanë qenë parullat që janë dëgjuar gjatë këtij marshi, transmeton albinfo.ch. Pjesëmarrësit kanë kritikuar edhe “profilizimin racial” dhe diskriminimin.