Martohen këngëtari me aktoren e serisë “Game of Thrones”

Këngëtari Joe Jonas ka njoftuar se është martuar me aktoren e serisë “Game of Thrones”, Sophie Turner, në një dasmë që ka befasuar shumë kënd. Miqtë e tyre kanë postuar fotografi dhe video nga dasma në rrjetet sociale, transmeton albinfo.ch.

Çifti u kurorëzua vetëm disa orë pasi Joe, i cili është anëtar i bendit të përbërë nga tre vëllezër “Jonas Brothers”, performuan në skenën e ceremonisë së sivjetme të ndarjes së shpërblimeve “Billboard Music Awards”.

DJ i njohur amerikan Diplo, i ndau disa video të dasmës në llogarinë e tij në Instagram ku shihej nusja e veshur me të bardha, dhe Joe i cili dukej mjaft i emocionuar për këtë befasi që ia kishte organizuar më të dashurës së tij.

Në një intervistë të dhënë për revistën “Harper’s Bazaar” dhe e cila u publikua në muajin mars, Turner citohet të ketë thënë se gjithnjë ka dashur ta ketë një dasmë të vogël e intime.