Mbahet “Dita e Kulturës Shqiptare”

Të dielën që vjen, më 7 qershor, në Bütchwil të Kantonit St. Gallen në organizim të Shoqatës Zvicër Shqipëri, FDP-së lokale dhe Institutit Shqiptar në Zvicër me seli në St. Gallen, mbahet Dita e Kulturës Shqiptare.
Me këtë rast para publikut të gjerë do të shpalosen përmbajtje nga kultura dhe tradita shqiptare si dhe do të konsumohen specialitete nga kuzhina shqiptare.

Dita Shqiptare e Kulturës do të hapet në orën 10.30 me një ceremoni fetare katolike në Kishën e Bütschwil-it.
Nga ora 11. 30 do të ketë drekë me specialitete shqiptare në sallën e sporteve (Turnhalle Dorf. Bütschwil). Nga ora 12.30 të pranishmit do të përshëndeten dhe do t`u urohet mirëseardhje nga kryetari i komunës, Karl Brändle si dhe ambasadori i Shqipërisë në Zvicër, Ilir Gjoni.

Nga ra 13.30 me dy referate do të prezantohen Albert Ramaj dhe Rolf Alther. Referuesi i parë do të merret me historinë e shqiptarëve respektivisht me praninë e tyre në Zvicër nga kohët e vjetra e deri më tash ndërsa Alther do të referojë mbi ekonominë shqiptare dhe mundësitë e bashkëpunimit ekonomik Zvicër-Shqipëri.

Programin kulturor do ta pasurojë ansambli “Arbëresha” nga Sirnach-u me këngë e valle nga tradita shqiptare. Ndërsa një projektim fotografish nga Shqipëria do ta bëjë njohësi i Shqipërisë dhe shqiptarëve, Lars Haefner.