Mbetet i vogël numri i grave në poste menaxheriale

Në këto poste, gratë zvicerane janë të përfaqësuara me vetëm 6.7% ndërkohë që në shtetet e BE-së përqindja është pothuaj dy herë më e lartë.

Në postet drejtuese të ndërmarrjeve zvicerane gratë janë të përfaqësuara në shpërpjesëtim me pjesëmarrjen e tyre në popullatë. Me numrin e shefeve ose kryemenaxhereve të koncerneve Zvicra nuk qëndron mbrapa në raport me botën, thuhet në një studim të realizuar nga banka Credit Suisse.

Por kur bëhet fjalë për postet tjera menaxheriale kemi një pasqyrë krejtësisht tjetër, transmeton albinfo.ch. Në këto poste, gratë zvicerane janë të përfaqësuara me vetëm 6.7% ndërkohë që në shtetet e BE-së përqindja është  pothuaj dy herë më e lartë. Ndërsa në raport ndërkombëtar (jashtë BE-së) gratë janë të përfaqësuara edhe më mirë.

Në bordet menaxheriale përbërja e grave në shtetet e BE-së është po ashtu dyfish më e lartë se në Zvicër.