Mbrojtësi kuqezi tregon anën humane, ndihmon 15-vjeçarin e sëmurë

Mbrojtësi i Kombëtares shqiptare dhe Napolit, Elseid Hysaj, shembull edhe jashtë fushës

Elseid Hysaj nuk është vetëm një futbollist i mirë në fushë, por edhe një shembull për të tjerët.

Mbrojtësi kuqezi ka treguar anën humane, duke ndihmuar 15-vjeçarin Musa Baculi, i cili është në luftë me jetën. Adoleshenti dergjet në një shtrat në spitalin e Shkodrës prej 3 muajsh, raportojnë mediat shqiptare.

Lajmi për gjendjen e tij shëndetësore u bë publik dhe ka prekur shumë njerëz të cilët u ofruan për ta ndihmuar, pasi Musait i duhen para për tu mjekuar në një spital në Xhenova të Italisë, përcjell albinfo.ch.

Një ndër ta ka qenë edhe mbrojtësi i Kombëtares shqiptare, Elseid Hysaj. Gjatë kohës që ishte në Shqipëri i grumbulluar me ekipin Kombëtar, shkodrani ka shkuar në spital ka takuar nënën e Musait dhe e ka pyetur se sa është nevojë që ai t’i ndihmojë që djaloshi 15-vjeçar të arrijë të shpëtojë, përcjell albinfo.ch.

Nëpërmjet një lidhje direkte me emisionin “Shqiptarët për shqiptarët” në televizionin “News 24”, Hysaj foli në lidhje me donacionin.

“Pashë foton që kishte publikuar Sidritin, shkova ta takoja vetë. Mesazhi për Musain është se të gjithë duhet të qëndrojmë bashkë, besoj se do ja dalim të gjithë. Paratë nuk të japin lumturinë. Dëshiroj që edhe nëna e tij të buzëqeshi përsëri. Dua të kontribuoj për rehabilitimin e tij hap pas hapi. Falënderoj gjithë personat që po i qëndrojnë djalit afër në spital ”, deklaroi Hysaj.

VIDEO

---