Më 16 qershor shënohet Dita ndërkombëtare e remitencave familjare

Banka Botërore organizon më 16 qershor 2019- në Ditën ndërkombëtare të remitancave- një event info-sportiv të quajtur “Runmittance Treasure Hunt”. Ky event organizohet në kuadrin e projektit “Greenback 2.0”, një komponent i edukimit financiar për remitencat dhe programet e pagesave, i mbështetur nga Banka e Shqipërisë dhe financuar nga Swiss State Secretariat of Economic Affairs (SECO).
“Qëllimi kryesor i këtij aktiviteti është që të festojë Ditën Ndërkombëtare të Remitencave dhe të njohë rëndësinë e tyre në kontekstin ekonomik dhe social në Shqipëri”, thuhet në njoftim, transmeton albinfo.ch.
Berati është qyteti i dytë në Shqipëri për sa i përket ardhjes së remitencave për frymë dhe për këtë arsye, mundësi të ndryshme janë identifikuar si pjesë e projektit “Greenback 2.0”.
Ky projekt ka si qëllim kryesor të rrisë njohjen e praktikave të instituteve financiare, duke i sjellë këto të fundit më afër njerëzve dhe në veçanti brezave të rinj dhe duke i bërë kështu më familjare.