Me incidentet në veri të Kosovës, vështirë në BE për Serbinë

Serbia mund të marrë statusin kandidat vetëm me miratimin e të gjitha vendeve anëtare të BE-së

Ministri i Jashtëm gjerman Guido Westerwelle sheh në sulmet e demonstruesve serbë në veri të Kosovës ndaj ushtarëve të KFOR-it, një rrezik për dëshirën e Serbisë për t’u bërë kandidat anëtarësimi në BE.

“E them hapur se nëse Serbia nuk pranon integritetin territorial të Kosoves, ky do të jetë një kriter në vendimet tona gjermane”, tha Westerwelle të mërkurën në mbrëmje në Bruksel në kuadër të një takimi të ministrave të Jashtëm të BE-së, raporton DW.

Serbia mund të marrë statusin kandidat vetëm me miratimin e të gjitha vendeve anëtare.

“Incidentet që kemi parë në veri të Kosovës, me siguri do të jenë pjesë e konsultimeve dhe nuk e bëjnë aspak më të lehtë perspektivën evropiane të Serbisë, të cilën unë e mbështes. Sulmet ndaj KFOR-it janë një situatë shumë serioze…”, deklaroi më tej ministri i Jashtëm gjerman.