Më lirë: Zviceranët, drejt Francës dhe Italisë për t’u furnizuar me karburant

(KEYSTONE/Gaetan Bally)

Motoristët zviceranë po lëvizin përtej kufijve për të blerë karburant, ndërsa qeveritë franceze dhe italiane po pakësojnë kostot e benzinës për t’u mbrojtur nga rritja aktuale e çmimeve të karburantit.

Diferenca e çmimeve është më e theksuar në kufijtë italianë, duke lënë disi të shkreta stacionet e shërbimit me bazë në Zvicër. Një litër benzinë është 30 cent më lirë përtej kufirit, shkruajnë mediat zvicerane, përcjell albinfo.ch.

Dallimi midis Francës dhe Zvicrës është 15 cent – ende mjaftueshëm për të bindur njerëzit të bëjnë udhëtimin – por stacionet e karburantit me bazë në Gjenevë kanë ende disa punë, sipas një zëdhënësi Tamoil duke folur për gazetën 20 minuta.