Më së shumti kërkesa për azil, nga Shqipëria

Më së shumti azilkërkues vijnë nga shtetet ballkanike, gjithsej 33 veta ndërsa numrin më të madh prej të gjithëve e përbëjnë shqiptarët, ose 11 sish

Në Luksemburg gjatë muajt shkurt ka pasur më pak azilkërkues se një muaj më parë. Gjithsej 71 persona kanë kërkuar azil në shtetin e vogël të Beneluksit gjatë shkurtit, ndërsa në janar kishin qenë 82. Më së shumti azilkërkues vijnë nga shtetet ballkanike,gjithsej 33 veta ndërsa numrin më të madh prej të gjithëve e përbëjnë shqiptarët, gjithsej 11 sish, bën të ditur Ministria e Jashtme e këtij vendi.

Krahasuar me muajin e njëjtë të vitit 2012 rënie është edhe më e theksuar. Atëbotë ishin shtruar 133 kërkesa për azil.

Nga e gjithë Azia janë regjistruar 16 kërkesa ndërsa nga Afrika 22 sish.

Gjatë muajit shkurt statusi i refugjatit u është pranuar vetëm dy personave, ndërsa 72 të tjerëve u është hedhur poshtë kërkesa për njohje. 100 persona janë dëbuar në vendet e prejardhjes.

Gjatë vitit 2012 në Luksemburg kanë kërkuar azil 2056 persona.