Më shumë vdekje se sa lindje në Shqipëri

KEYSTONE/EPA/Malton Dibra

Në Shqipëri popullsia nuk po tkurret vetëm prej emigracionit, por edhe për shkak të lindjeve të ulëta nga nënat.

Duket se ky trend që ka filluar që nga viti 2011 me rënie të dukshme, po arrin nivele alarmante në vitet e fundit, ku nga tetori i 2020-ës më shumë shqiptarë vdesin se sa lindin dhe popullsia jo vetëm po zvogëlohet, por edhe po plaket.

Shifrat e fundit të INSTAT tregojnë se tremujori i parë 2021-it solli rënie të lindjeve me rreth 5%, dhe rritjen e vdekjeve me rreth 55%.

Sociologu Zyhdi Dervishi shprehet se ka ardhur momenti për ta trajtuar problemin me çdo kapacitet.

Sipas profesorit, ka mjaft shkaqe për lindjet e ulëta, por edhe shumë masa që mud të merre për fenomenin. /tch/